पेरियार भारताचे भविष्य..!

सध्याच्या घडीला भारतात जे अस्थिरतेचे वारे वाहू लागले आहेत. समाजात विचारांना घेऊन जी अस्थिरता, जो कलह निर्माण होतोय आपआपल्यात जे गटतट पडले जात आहे. समाजात जो असंतोष वाढतो आहे, ज्या दिशेने आपल्या देशाचा प्रवास सुरू आहे अश्यावेळी पेरियार यांची आठवण येते.

सध्या देशाला पेरियार यांची विचारसरणी स्वीकारून त्यांच्या तत्वांवर मार्गक्रमण करण्याची गरज आहे का ? असा प्रश्न मला पडतोय. भारताच्या इतिहासात असे काही लोक होऊन गेले ज्यांनी देवाला नाही तर माणसाला मोठं मानलं. त्यापैकी एक म्हणजे पेरियार ई. व्ही. रामासामी.

पेरियार यांच्या या विचार तत्वांमुळे अनेकदा त्यांच्यावर टीकाही झाली. त्यांना हिंदू-द्वेष्टा म्हटलं गेलं. पण पेरियार यांचा राग हिंदू माणसावर नव्हता, तर त्या व्यवस्थेवर होता जी माणसाला माणूस मानत नव्हती. आज सध्या भारतात जो राजकीय असंतोष आहे. अस्थिरता निर्माण होऊ बघत आहे हे सगळं अस्वस्थ करणारं आहे. आजच्या तरुण पिढीला पेरियार कळतोय पण तो विचारांनी, विचार तत्वांवर पूर्ण भारतात स्वीकारायला का आपल्याला इतकं अवघड जात आहे.

पेरियार नेहमी म्हणत असे की "मी देवाला नाकारतो कारण तो माणसाला विभागतो, मी धर्माला नाकारतो कारण तो माणसाला गुलाम बनवतो." नेमका सध्याच्या घडीला आपल्या देशाचा प्रवास त्यांच्या या वाक्याच्या विरुद्ध दिशेनं सुरू आहे.

सध्याच्या अस्थिर भारतात पेरियार का हवा आहे ?

आजच्या तरुण पिढीला पेरियार कळतोय. सोशल मीडियावर, पुस्तकांत, चर्चांमध्ये तो वाचला जातोय. पण प्रश्न हा आहे की तो विचारांनी, तत्वांवर पूर्ण भारतात स्वीकारायला आपल्याला इतकं अवघड का जात आहे ? सध्याच्या घडीला भारतात जे अस्थिरतेचे वारे वाहू लागले आहेत, ते अस्वस्थ करणारे आहे. समाजात विचारांना घेऊन जो कलह निर्माण होतोय, आपापसात जे गट-तट पडत आहेत, समाजात जो असंतोष वाढतोय. ज्या दिशेने आपल्या देशाचा प्रवास सुरू आहे, ते पाहिलं की एकच नाव आठवतं "पेरियार".

पेरियार यांची विचारसरणी आजच्या तरुण पिढीने बहुतांश स्वीकारली आहे पण; आपल्या देशात पूर्वापार सुरू असलेल्या विचार तत्वांना डावलून पेरियार यांच्या स्पष्ट, उघड तत्वांना स्वीकारणे भारतीयांना जरा अवघड जात आहे.

कारण पेरियार सोपा नाही. पेरियार प्रश्न विचारायला लावतो. तो म्हणतो - डोळे झाकून मानू नका. आणि सत्तेला नेहमीच प्रश्न विचारणारी माणसं नको असतात. त्यांना डोळे झाकून जयजयकार करणारी गर्दी हवी असते

आज तामिळनाडू जे पुरोगामी राज्य म्हणून ओळखले जाते - ६९% आरक्षण, महिलांना संपत्तीत समान अधिकार, मंदिरात सर्व जातींच्या पुजाऱ्यांची नेमणूक, शिक्षणात आघाडी - या सगळ्या परिवर्तनाच्या मुळाशी पेरियारच आहेत. आताच्या राजकीय पिढीतील अण्णादुराई, करुणानिधी हे त्यांचेच वैचारिक शिष्य होते. त्यांनी पेरियारचा विचार सत्तेत आणला, आणि तामिळनाडू बदलला.

म्हणूनच आज मला वाटतं या देशाला आज पेरियारची गरज आहे. त्या खिडकीची गरज आहे जी बंद भिंतींच्या घरात हवा आणते. बुद्धीची, समतेची, स्वाभिमानाची खिडकी ती असते.

पेरियार स्वीकारायला हवा. वाचन लेखनाने समृद्ध झालेल्या पिढीने पेरियार केव्हाच स्वीकारला आहे. पण! जोवर समाजात पेरियार यांचे विचार जनमानसात रुजत नाही तोवर. पेरियार खऱ्या अर्थानं भारतीय जनतेला कळणे अवघड आहे. पेरियार विचारांनी जनसामान्यात रुजायला हवा देशाचा विकास जर हवा असेल तर पेरियार यांच्या विचार तत्वांवर आपल्या देशाचा प्रवास व्हायला हवा आहे.

Written by,

Bharat Sonawane.