MARRY HERSELF..! 💙

MARRY HERSELF..! 💙

SOLOGAMY..! 💙

वयाच्या २४ व्या वर्षी तिने स्वतःशीच लग्न करण्याचा घेतलेला निर्णय.तिच्या बाबतीत जेव्हा या बातम्या न्यूजवर झळकू लागल्या तेव्हा माझ्यासाठी हे सर्व खूप आनंद वाटणारं असं होतं.कारण तिचं स्वतःवर असलेलं प्रेम हे गेले कित्येक दिवस तिच्या इंस्टाग्राम आयडी माध्यमातून बघून होतो..!

तिच्या या निर्णयाने अनेकांना अनेक प्रश्न पडले,अनेकांनी तिच्या या आगळ्यावेगळ्या निर्णयाची खिल्ली उडविली अन् अनेकांनी तिला तिच्या या निर्णयात सोबतही केली जी की खूप कौतुकास्पद बाब आहे..!

मान्य आहे आपल्या देशातील संस्कृती,पिढीदर पिढी होत आलेले संस्कार,समाजाने आखून दिलेली रेषा. जिच्या पल्याड जाऊन तिने घेतलेला हा निर्णय,तिचा हा प्रवास पुढे अनेक प्रश्नांना तिला उत्तरे शोधायला लावणारा असणार आहे.

परंतु "काहीतरी वेगळं केलं" असं म्हणता येणार नाही. आपल्या सभोवताली बघितलं तर हे आपल्या सगळ्यांना अनोखं,वेगळं असं काहीसं वाटणार आहे. परंतु परदेशात हे असं स्वतःवर मुक्तपणे प्रेम करत आयुष्य जगणं कधीच सुरू झालं आहे..!

आपल्या देशात हे सर्व प्रथमतः घडत आहे,त्यामुळे अनेकांना हे पचनी पडणारं नाहीये हे आज दुपारपासून या विषया संबंधी बरेच वाचल्यावर कळून चुकले..!

परंतु या स्टेजला येण्यासाठी किंवा तिने हा आगळावेगळा निर्णय घेण्यासाठी जे काही विचार केले असेल हे सर्व मला तरी खूप कौतुकास्पद वाटणारे असे आहे..!

मी का तिच्या या निर्णायाला जवळचा करतो आहे तर "सेल्फ लव" या अवस्थेला मी गेली काही वर्ष जगतो आहे.यातून मिळणारं समाधान काही और जे शब्दात व्यक्त न करता येणारे आहे.

या अवस्थेला येण्यासाठी अनेक गोष्टींचा त्याग तर करावाच लागतो.आपलं मन हे असं स्वतःवर प्रेम करत जगायला जेव्हा आपल्याला सांगत असते,तेव्हा त्याचा स्वीकार करून या अवस्थेला येण्यापर्यंतचा जो प्रवास आहे तो खूप आगळावेगळा आहे..!

या सर्वातून मिळणारं एक अनामिक समाधान,स्वतः प्रेम करण्याची भावना अन् ते स्वतःवर प्रेम करत आयुष्यभर जगणं हे खूप सुंदर आहे..!

तिच्या या "सोलोगॅमी" "स्वतःशी स्वतःवर" प्रेम करत लग्न करण्याच्या निर्णायासाठी तिला खूप शुभेच्छा अन् खूप सर्व प्रेम..!

Written by,

Bharat Sonwane.