आयुष्यात सर्वाधिक गोष्टी कोणाशी शेअर केल्या असतील तर त्या फक्त माझ्या डायरीशी.म्हणजे डायरीने मला जगायला शिकवलं,लिहायला शिकवलं अन सर्वात महत्त्वाचं डायरीने एकांतावर प्रेम करायलाही मला शिकवलं....
डायरी लिखाण हे मी नियमित करतो,जसे सुचेल तसे व्यक्त होत असतो माझ्या तोडक्या मोडक्या लिखाणातून मी डायरीवर.हो तोडक्या मोडक्याच कारण इथं नसतं कुठलं बंधन,आणी नसतं कुणी त्या लिखित स्वरूपात व्यक्त केलेल्या सुख दुःखाच्या भावनांना,क्षणांना बघणारं....
डायरी अन् कॉफी यांचा मिलाफ म्हणजे सुख असते,व हे सुख मी रोज घेत असतो....रोज रात्री फावल्या वेळेत या माझ्या (मैत्रिणीशी) डायरीशी माझी भेट होते,यावेळी खिडकीतून आत येणारा वारा माझ्या शरीराशी हितगुज घालत असतो,सोबतीला गुलजारांची गाणी या क्षणांना चार चांद लाऊन जातात...मग प्रत्येक जगलेला क्षण काॅफीला साक्षी होत,लिखित स्वरुपात एक एक शब्द सुटसुटीत मोती होत डायरीवर कैद होत जातो तो कायमसाठी....
डायरीच्या आतील सफेद पानांवर कधीतरी माझ्याशीच स्वगत घालणारं हे मन,जे कधीच थाय्रावर राहात नाही.त्याला लिखाणातुन व्यक्त करत मी डायरीत कैद करून ठेवत असतो....
कधीतरी लेखन करत असलो की भावनांचा बांध फुटतो,मग डोळेही अश्रुरुपी व्यक्त करून टाकतात त्या डोळ्यांतील दुःखद असो किंवा सुखद भावनांना ते अश्रुही मग होऊन जातात डायरीचे अन् डायरीशी समीप करून घेतात कधी-कधी स्वत:ला....
ते म्हणतात ना सुखात सर्व सोबती असतात अन् दुखत कोणी नाही,याची अनुभूती गेले काही दिवस नियमित येत आहे....अश्यावेळी ही डायरी एक हक्काची मैत्रीण म्हणून कायम सोबत आहे,ज्या गोष्टी आईशी व्यक्त करू शकत नाही,त्या सर्व गोष्टी या डायरी सोबत व्यक्त होतात....
कधीतरी काही पानं कायमसाठी घडी करून ठेवले जातात कधीही न उघडण्यासाठी,काही पानं हे प्रेमाचा टॅग देऊन सजविली जातात...हे सर्व करत असतांनी डायरीच्या साक्षीने अनेक वचनंही घेतली जातात,कधीतरी ते निभावून नेण्यासाठी व कधीतरी नेहमीसारखे ते मोडीत काढण्यासाठी.यालाही पाठींबा असतो तिचा कैद झालेले क्षण यावेळी बोलके होतात काय चुक,काय बरोबर ते सांगत असतात.हे सर्व या डायरीमुळेच शक्य होते अन् ती नकळत अशी साथ देऊन जाते.....
माझ्यासाठी अव्यक्त भावनांना,अव्यक्त प्रेमाला,सुख, दुःखाला लिखित स्वरूपात कैद करून व्यक्त करण्याच माध्यम आणी भुतकाळातील आठवणी व भविष्य काळातील स्वप्नांना जगण्यासाठीचे वर्तमान काळातील काही क्षण म्हणजे माझी ही डायरी (मैत्रीण)....📒♥️
आज डायरीविषयी लिहिण्याचं कारण म्हणजे #diarychallenge.
Pooja Dheringe आणि Prajakta Nagpure या दोन माझ्या अत्यंत आवडत्या लेखिका,ज्यांच लेखन मला लिखाणासाठी नेहमी प्रेरणादायी ठरते....
तुम्ही दोघींनीही मला या उपक्रमात सहभागी करुन घेतले यासाठी मनापासून तुमचे खूप खूप धन्यवाद पूजा व प्राजक्ता....🥰🥰
मी या उपक्रमासाठी कुणालाही सांगणार नाही,पण ज्यांनी कोणी हा लेख वाचला व ज्यांना कुणाला मनापासून वाटले डायरी या विषयावर लिहायचं.त्यांनी नक्कीच लिहायचं आहे,सोबत तुमच्या डायरीचा फोटोही टाकायचा अन् मला टॅग करायला विसरायचं नाही....
Written by,
Bharat Sonwane...
#favoritechallenge
#deardiarychallenge #lovefordiary #diary #diaryimportance #quarantine_time
टिप्पण्या
टिप्पणी पोस्ट करा