लहानपणी सर्व मुलांचं स्वप्न असतं की आपल्याला डिफेन्समध्ये भविष्यात जॉब करायला आवडेल,माझ्या बाबतीतसुद्धा काही वेगळे असे नव्हते शाळेत सरांनी विचारले की भविष्यात तुला काय व्हायचं आहे..?
साहजिक मी हेच सांगायचो आर्मीमध्ये जायचं आहे किंवा लेखक व्हायचं आहे,पुढे अनेक अडचणी येत गेल्या अन आर्मीत जायचं स्वप्न स्वप्नच राहिले.परंतु आर्मी असो किंवा इतर कुठल्याही डिफेन्ससंबंधी क्षेत्रासाठी जो आदर मनात निर्माण झाला तो आजही आहे..!
आजही वर्दित असलेला पोलीस असो किंवा वर्दीतला जवान दिसला की का माहित नाही पण मी अस्वस्थ होतो,आयुष्यात करिअरसाठी खूप मोठी चूक केली असे यावेळी वाटायला लागतं.परंतु त्यांच्याबाबतीत असलेली रिस्पेक्ट असो किंवा त्यांच्याप्रती असलेल्या आपल्यापणाच्या भावना या आजवर तसूभरही कमी झालेल्या नाही..!
आठवलीलाच असताना ठरवलेलं की आपण एनडीएची एक्झाम द्यायची अन् त्यामार्फत देशसेवेसाठी आपली निवड व्हावी म्हणून खूप परिश्रम घ्यावे पण कुठेतरी सर्व थांबले अन् इतकचं...
कारण हा फार जिव्हाळ्याचा विषय आहे त्यामुळे फार व्यक्त होणं नाही जमत मला..!
तर गेले दोन दिवस जे पुस्तक मी पुरवून पुरवून वाचत होतो ते पुस्तक आज संपले एका सामान्य परिवारात जन्मलेल्या मुलाची ही कहाणी आहे ज्याने असंख्य अडचणींना तोंड देत नेव्ही क्षेत्रात नावलौकिक मिळविले,त्याच्या प्रवासाची कथा सांगणारे हे पुस्तक..!
पुस्तकाचे नाव - साद सागराची.
लेखक - पू.गो.गोखले.
प्रकाशक - महाराष्ट्र राज्य साहित्य,संस्कृती मंडळ.,मंत्रालय मुंबई..!
पुस्तकाच्या बाबतीत थोडक्यात.
हे पुस्तक लेखकाने चार भागात लिहले आहे.पहिल्या भागात ब्रिटिशांचे सैन्य भरतीचे धोरण,या लेखकाला आलेले त्यांचे व्यक्तिगत अनुभव त्यांनी या पुस्तकात थोडक्यात उल्लेखिले आहेत..!
जेव्हा लेखक काळाच्या ओघात मागे वळून पाहता त्यांनी जे अडचणी,जे प्रसंग उद्भवले त्यांना लेखक कसे बघतात,त्यांना लेखकांनी कसे तोंड दिले हे सर्व या पुस्तकात वर्णन केले आहे.लेखकांनी इच्छा व त्यानुसार केलेलं परिश्रम याच्या पार्श्वभूमीवर पाहिल्यास हे पुस्तक वाचकांना उद्बोधक ठरेल असे मला वाटते..!
दुसऱ्या भागात लेखक प्रत्यक्षात नौदलात भरती झाल्यावर वेगवेगळ्या प्रसंगांना त्यांनी या पुस्तकात समाविष्ट केलेले आहे. उदा.नौदलातील बंड,व्यक्तिगत संबंध, पानसुरूंग (Mines) व त्यांच्या नकाशा इत्यादी प्रसंग लेखकांनी मांडलेले आहेत.
तिसऱ्या आणि चौथ्या भागात नेव्हीच्या ज्ञाच्याऊ भांडवलावर मिळालेली नोकरी,उद्योगधंदा यांच्या प्रवासात आलेले विविध अनुभव किंवा सहसा अवगत न होणारी माहिती इत्यादी गोष्टी लेखकांनी पुस्तकात संपादित केली आहे.
लेखकाच्या आयुष्यातील हा रोमांचकारी अन खूप सुंदर प्रवास अनुभवण्यासाठी नक्कीच एकदा हे पुस्तक वाचा..!
Written by,
Bharat Sonwane.
टिप्पण्या
टिप्पणी पोस्ट करा