Chadar the ice Trail..!
बऱ्याचवेळा काही आवडी निवडी या आपल्याला अनुभवायचा असतात पण ते साहस आपल्यात नसते किंवा ते सर्व इतिहासात जमा झालेले असते त्यामुळे हे सर्व आपल्याला अनुभवायला भेटत नाही किंवा आपल्या स्वभवताली ती परिस्थिती नसल्याने ते सर्व आपल्याला अनुभवता येत नाही....
लहानपणी आपल्या घरात टीव्ही आला परिस्थितीच्या मानाने तो सर्वांच्या घरी उशीरा आला त्यामुळे आपल्या नाईंटीजच्या मित्रांना टीव्ही बघण्याचे सुख काय असते अन् त्यासाठी मित्रांच्या घराचे झिजवलेले उंबरठे हे सर्व आपल्याला बऱ्यापैकी ज्ञात आहेत मुळात तो लिखाणाचा उद्देश नाहीच पण आजच्या टीव्ही बघण्यात अन् त्यावेळच्या टीव्ही बघण्यात झालेला बदल हा खूप वेगळा आहे,आवडीनुसार टीव्हीवरील चॅनल बदलण्यासाठी रिमोटचे बटन आपण दाबत असतो कुणाला न्यूज,कुणाला सिरियल, कुणाला Discovery,Net geo, कुणाला काय तर कुणाला काय कारण आता हे सर्व पर्याय उपलब्ध झाले आधुनिक युगाच्या चढत्या आलेखला ज्या वर्षांपासून सुरुवात झालेली ती वर्षांचे आपले जन्म म्हणून कदाचित हे सर्व आपण जवळून अनुभवले....
त्यावेळी एकच टीव्ही चॅनल मग त्यात वार,वेळ यांची सांगड घालून दूरदर्शन बग्यांचे लाड पुरवायचे.मला टीव्ही फार बघायला आवडत नाही तो आजही अन् पूर्वीही फारफार वयानुसार शक्तिमान,बोंगो, ज्युनियर जी,आँखे, व्योमकेश बक्षी, सी आय डी विजय,अश्या मालिका मी बघितल्या त्याही फार आवडीने नाही जसा मुड असेल तसा...
पण यासर्व सिरियल सोडल्या तर कधीतरी महिन्यातून एखाद वेळेला लागणारी The Chadar Ice Trail नावाची डॉक्युमेंट्री अन् अशीच एक अजून असायची तिचे नाव मला आठवत नाही त्या मी बघायचो कुठल्या सिरियलमध्ये काही प्रॉब्लेम आलेत की प्रसारण न करू शकले तेव्हा या डॉक्युमेंट्री फिल्म लागत असायच्या अन् मी यांची खूप वाट बघायचो...
काळाच्या ओघात दूरदर्शन आपले बदल करत होतं त्याला जोडीला आता मेट्रो नावाचं चॅनल आलं पण ते फार दिवस टिकले नाही, सिरियलचा ओघ बदलला,जश्या प्रकारे आपल्या भाषेत प्रसिध्द असलेले पुस्तक विविध भाषेत अनुवादित करून ती वाचकांपर्यंत देश विदेशात पोहचवली जातात तशीच सिरियलची गत झाली अन् विविध देशातील,राज्यातील सिरियल डब करून आपल्या मराठी भाषेत येऊ लागल्या...
The Chadar Ice Trail नावाची डॉक्युमेंट्री वरून तुम्हाला कळले असेलच की माझा ओघ कोणत्या सिरियल, फिल्म बघण्याकडे असेल तर अश्याच प्रकारच्या अनेक सिरियल साधारण २००३-४,५ साली येऊ लागल्या अन् दूरदर्शने माझ्या सारखी आवड असणाऱ्या प्रेक्षकांची मने जिंकली त्यात काही सिरियल आजही मी बघतो जरी त्या टीव्ही माध्यमात आता उपलब्ध नसल्या त्यात मग Emperor of the sea,Jewel in the palace,Jungma,Earth Matters,The Paintings of India, laurel and hardy,समुदर के लुटेरे या सिरीयल,डॉक्युमेंट्री असत यात मला सर्वाधिक आवडणारी The Chadar Ice Trail ही डॉक्युमेंट्री आहे खूप म्हणजे इतकी की ती नेहमी लागत नसल्याने तिची वाट मी बघत असायचो....
तर मग इतकं काय आहे त्या डॉक्युमेंट्रीमध्ये ते पुढील लेखमध्ये सांगतो तोवर पोस्ट केलेला व्हिडिओ बघा त्यावरून तुम्हाला बरेच काही समजेल....
Written by,
Bharat.L.Sonawane...
टिप्पण्या
टिप्पणी पोस्ट करा