Amazing Aurangabad..!
#aurangabad
शहराची नव्यानं होणारी ओळख अन् शहराचे वाटणारे आकर्षण,गेले काही वर्ष हा माझा नियमित आवडणारा विषय मग ते शहर कुठलेही असो. प्रत्येकवेळी एका नव्या नजरेतून शहर बघायला मला नेहमीच आवडते का माहित नाही औरंगाबाद शहर गेली कित्येक वर्ष बघत असुनही अजूनही मला ते मी पूर्ण बघितल्याची जाणीव माझ्या मनात निर्माण होत नाही...
ती जाणीव अपूर्ण का आहे..?
हे जवळ -जवळ प्रत्येक औरंगाबादकर आपल्याला सांगेल,एकीकडे रोज नव्याने वाढणारे हे शहर आणि एकीकडे साधारण काही वर्षांपूर्वी लहान बाळाप्रमाणे बाळसे धरणारे हे शहर यात खूप फरक आहे.
आज चहूबाजूंनी औरंगाबाद शहर झपाट्याने वाढत आहे,तसे या शहराचा विकास माझ्या मते तरी १९९६-९७ सालापासून सुरु झाला असेल.कारण मला जसे कळू लागले तसे या शहरात माझे येणे जाणे आहे तसे औरंगाबाद शहराचा व्याप अन् विकासाचा आलेख नेहमीच वाढता आहे,साहजिक आहे या आधुनिक युगात कुठल्या शहराचा व्याप वाढणार नाही.पण हा व्याप वाढूनही एक भावनिक बंध जो असतो जसा मुंबईकरांचा मुंबईशी आहे,पुणेकरांचा पुणेशी आहे अन् त्यानंतर मला दुसरे नाव सुचतच नाही Absolutely औरंगाबादकर आणि औरंगाबाद औरंगाबादकर म्हणण्यात जी फिलिंग आहेना ती काही औरच....
तुम्ही म्हणाल भावनिक बंध कसे आहे तुझे औरंगाबादशी..? कारण तू फार काळ तिथे नसतो आणि तरीही तुला इतके जवळचे का वाटते औरंगाबाद..?
भावनिक बंध यासाठी आहे की या शहराशी मगाशी सांगितल्याप्रमाणे माझी नाळ जन्म झाल्यापासून जुळली आहे अन् ती आजतागायत कायम.विमानतळ जेव्हा इतक्या जवळून बघितले,तेव्हा अनेकदा वाटायचं उतरते विमान उतरत्यावेळी कसे दिसत असेल..? त्यावेळी विमानतळवर वातावरण कसे राहत असेल..? आणि असे अनेक प्रश्न असायचे...
त्यामुळे विमानतळवर असलेल्या गेटपाशी असलेल्या चौथऱ्यावर बसून आम्ही तासनतास त्याची वाट बघत बसायचो,कित्येकदा ते पूर्णपणे दिसणार नाही माहित असूनही ते बघणं आणि ते कुतूहल आजही कायम आहे.आजही जेव्हा अवघ्या शहरावरून येणारं विमान दिसलं की,आपसूक काही क्षण ते नजरेआड जाइस्तोवर मी बघत असतो.शेंद्रा औद्योगिक वसाहतीत हवेत दिसणारे विमान बघून मला खाली नव्याने उभी होत असणारी शेंद्रा औद्योगिक वसाहत कल्पनेतच माझ्या डोळ्यांना विमानातून दिसत असते....
शहरातील वातावरण असो किंवा तेथील नागरिक प्रत्येकजण खूप जवळचा आपलासा वाटणारा मला भासत असतो.अजून एक जिव्हाळ्याचा विषय माझ्यासाठी या शहराशी आहे तो म्हणजे शहराच्या आजूबाजूने शहराच्या विकासात प्रामुख्याने येणाऱ्या विविध कंपन्याशी.जेव्हा केव्हा मनात येईल तेव्हा मी या औद्योगिक वसाहतीमध्ये पायी फिरत,प्रत्येक कंपनीतील घडघड धडधड जवळून ऐकत असतो. जवळजवळ संपूर्ण औद्योगिक वसाहतीमध्ये असलेल्या कंपन्या मी बघितल्या आहे,कुठे काय काम चालते हे सर्व मला बऱ्यापैकी माहित आहे.काही दिवस येथे काम केले असल्याने अगदीच खूप जवळचे वाटते हे सर्व...
अश्या अनेक बाबी आहे ज्या या शहराशी मला जुळवून ठेवतात...
Written by,
Bharat Sonwane.
टिप्पण्या
टिप्पणी पोस्ट करा