Morning Walk With Gautala Wildlife Sanctuary..!
आज पहाटे पाचला उठलो तेव्हा घराच्या बाहेर येऊन वातावरणाचा अंदाज घेतला तर सोसाट्याच्या वाऱ्यासह रिमझीम पाऊस पडत होता.पावसात काही फारसा जोर नसल्यानं मी माझी तयारी करून नेहमीच्याप्रमाणे पहाटे फिरायला निघालो..!
रिमझीम पाऊस सतत चालू होता,रस्त्याने माझ्या खेरीज एखाद दुसरा माझ्यासारखा हौशी सोडला तर फिरायला आज कुणीही आलेलं दिसत नव्हते.ठरल्या प्रमाणे 4 की.मी रनिंग चालू झाली अन् तसे काही एक दीड की.मीच्या अंतराने पाऊसाचा ओघही वाढला..!
मी राहतो किंवा फिरायला ज्या ठिकाणी जातो तो भाग "गौताळा अभयारण्य" परिसरात येत असल्यानं पहाटे फिरायला येणं म्हणजे निसर्गाचा नयनरम्य सोहळा बघायला भेटणंही भेटणं होतं.त्यामुळेच हा हट्टहास असतो की पहाटे इकडे फिरायला येऊन जायचं..!
बरोबर सहा वाजता गौताळा अभयारण्य चौकी जवळ येऊन मी थांबलो,रिमझीम पावसात मी पूर्णपणे ओला झालो होतो अन् भिजण्यातही शरीरारतून घाम निथळत होता काहीवेळ पायी चालत चालत स्वतःला रीलेक्स केलं अन् रोजचे काही ठराविक व्यायाम थोडेफार करून अभयारण्यात पडत असलेल्या पावसाचा नजरा अनुभवत बसलो..!
गेल्या काही दिवसांच्या पावसाने गौताळा अभयारण्य पूर्णपणे हिरवाईने नटलेले आहे.पहाटे गौताळा अभयारण्याला लागून असलेल्या रस्त्यानं धावत असले की विविध पक्षी,प्राण्यांचे आवाज आपल्या कानावर पडत असतात.नशिबात असेल तर मोर,ससा,इतर अनेक पक्षांचे दर्शनही घडते..!
हा सगळा सुंदर नजारा अनुभवत,चौकी जवळ आलं की गौताळा अभयारण्यात वनरक्षक असलेल्या मित्रांशी आपुलकीच्या काहीवेळ गप्पा मारायच्या त्यात कुणी नाईट शिफ्ट संपवून घरी जाण्याची तयारी करत असतो तर कुणी फर्स्ट शिफ्टमध्ये येऊन आपली जिमेदारी पार पाडत असतो,त्यांच्याकडून अभयारण्य बद्दल रोजचा घटनाक्रम ऐकला की मग आपल्या परतीच्या वाटेला लागायचं..!
एरवी मी रोज एकटाच असतो आजही एकटाच होतो पण आज सोबतीला पाऊस होता मग काय पावसाचा पूर्णपणे फायदा घेऊन भिजत भिजत निसर्ग न्याहाळत आपलं चालणं चालू असतं,चार की.मी. धावल्या नंतर जे क्षण अनुभवायला येतात त्याचं शब्दात वर्णन करता येणार नाही इतकं छान त्या नंतर वाटतं.मग आपल्याच या विश्वात रममाण होवून चालत राहायचं..!
इच्छा असली तर जवळच एक शिखर आहे ते चढून आमच्या शहराचा नजारा न्याहाळून काहीवेळ मेडीटेशन करून मी तिथून निघत असतो पण आज पाऊस असल्यामुळे अन् शिखरावर जाणारी वाट घसरती झाली असल्यानं तो प्रवास टाळत सरळ घराच्या मार्गाने टेकड्या,नाले पार करून छोट्या छोट्या पाऊलवाटेनं घराकडे निघालो..!
घराच्या जवळचा परिसर अजुन बऱ्यापैकी मोकळा असल्यानं अजूनही घरापासुन गौताळा अभयारण्य थेट दिसते.अन् घरा जवळचा परिसरसुद्धा हिरवाईने नटलेला असल्यानं खूप छान वाटत राहते..!
काही वेळापूर्वी येऊन ओले झालेले कपडे बदलून,चहा बिस्कीट खावून मस्त काळोख असलेल्या उबदार खोलीत खाटेवर अंगावर गोधडी घेत झोपून हे सर्व टाईप करत बसलो आहे..!
कदाचित आज निवांत झोपून राहत आणि पुस्तक वाचत आजची दुपार सरून जाईल,अंघोळ करायची आता इच्छा नाहीये..!
Written by,
Bharat Sonwane.
टिप्पण्या
टिप्पणी पोस्ट करा