बौद्ध धम्माचे एक जागतिक कीर्तीचे मार्गदर्शक हरपले..!
२२ जानेवारी २०२२.
बौद्ध धम्माचे एक जागतिक कीर्तीचे मार्गदर्शक हरपले.
महान बौद्ध विचारक अन् बौद्ध धर्माचा सर्व जगभरात प्रसार करणारे तसेच जगामध्ये 'सोशली एंगेज बुद्धिजम' च्या माध्यमातून क्रांती आणणारे महान बौद्ध भिक्खू "तिक न्यात हन्ह" यांचे दि.२२ जानेवारी २०२२ रोजी वयाच्या ९५ व्या वर्षी निर्वाण..!
"तिक न्यात हन्ह" यांचा जन्म ११ ऑक्टोबर १९२६ ला "व्हिएतनाम" येथे झाला.वयाच्या १६व्या वर्षी झेंन मॉनेस्ट्रीमध्ये ते सहभागी झाले.१९४९ मध्ये त्यांनी आपल्याला पूर्णतः बौद्ध भिक्खू जीवनामध्ये सामील केले.जागतिक स्तरावर त्यांना "तिक न्यात हन्ह" म्हणून ओळखले जाते,"तिक" या शब्दाचा अर्थ म्हणजे ते शाक्य कुळाचा एक भाग आहेत..!
"तिक न्यात हन्ह" व्हिएतनाम येथील प्रसिद्ध बौद्ध विचारक,आध्यात्मिक गुरू,कवी,लेखक होते.ज्यांच्या विचारांना जगभरात वाचल्या,समजून घेतल्या गेले.त्यांनी अनेक पुस्तके लिहले जे जीवन जगण्यासाठी आपल्याला प्रेरणा देणारे होते.
भारत देशातसुद्धा हे लोकप्रिय लेखक होते..!
जगण्याचे सार सांगणारे अन् बौद्ध धर्माचे तत्वज्ञान,धर्माचा जगभर त्यांनी केलेला प्रसार यावर त्यांचे इंग्रजी अन् हिंदी भाषेत ग्रंथ प्रकाशित झाले व काही प्रकाशनाच्या मार्गावर आहेत..!
१)"Old Path White Cloud's".
२)"The Stone Boy".
३)"Cultivating the Mind of Love".
४)"Our Appointment With Life".
५)"जहं जहं चरन परे गौतम के".
जगभरातील नावाजलेल्या विद्यापीठात त्यांनी व्याख्याने दिली तरुणांना जगण्याचा मार्ग,जगभरात युद्ध काळात शांतता प्रस्थापित व्हावी यासाठी त्यांनी आपल्या व्याख्यानातून शांततेचे संदेश जगाला दिला.याच दशकात २६ जानेवारी १९६७ साली ते "नोबेल पिस प्राईज"साठी नॉमीनेट झाले होते.या दशकात जेव्हा व्हिएतनाम मध्ये झालेल्या युद्धात सापडलेल्या अनेक निर्वासितांना त्यांनी आश्रय दिला.१९६० साली त्यांनी "School of Use For Social Services" नावाची संस्था स्थापन केली.संस्थेमार्फत गाव,शाळा,दवाखाने यांचे पुनर्वसन करण्यात आले या कार्यात त्यांच्या अनेक स्वयंसेवकानी अहोरात्र काम केले अन् जगाला शांतता प्रस्थापित करण्यासाठी एक संदेश आपल्या या कार्यातून दिला ..!
बौद्ध धर्माचा जगभर त्यांनी प्रसार केला बौद्ध धर्माचे तत्व स्वीकारून आपल्या वैयक्तिक आयुष्याला आपण कसे समृध्द बनवू शकतो याचे त्यांनी नेहमीच मार्गदर्शन केले."दलाई लामा" यांनीही त्यांच्या कार्याची नोंद घेतली अन् नंतर या कार्याला हाती घेत जगभरातील संघटना या कार्यात सहभागी होवून काम करू लागल्या..!
काही दिवसांपूर्वी त्यांचे "जहं जहं चरन परे गौतम के". हे पुस्तक वाचनात आले.ज्या माध्यमातून त्यांनी भगवान गौतम बुद्धांच्या जीवन मार्गावर लेखन केले आहे,भगवान गौतम बुद्धांनी आपल्या विचारांना घेऊन जगभर केलेल्या भ्रमंतीवर त्यांनी या पुस्तकात लिहले आहे,सोबतच भगवान गौतम बुद्धांच्या जीवनाचा सारीपाट त्यांनी या पुस्तकातून मांडला आहे. या पुस्तकाला वाचतांना आपल्याला आपण भगवान गौतम बुद्धांसमवेत त्यांच्या या मार्गावर सोबत आहोत अन् आपल्याला सोबत घेऊन गौतम बुद्ध जगभर बौद्ध धर्माचा,विचारांचा प्रसार करत आहेत याची प्रचिती येते..!
सोबतच हे पुस्तक गौतम बुद्ध यांचे जीवन चरित्र अन् त्यांनी मिळवलेले ज्ञान सांगू करणारं आहे,या पुस्तकाला पाली,संस्कृत आणि चिनी भाषेच्या स्त्रोत यांचा आधार घेऊन लिहण्यात आलेलं आहे..!
People usually consider walking on water or in thin air a miracle. But I think the real miracle is not to walk either on water or in thin air, but to walk on earth. Every day we are engaged in a miracle which we don't even recognize: a blue sky, white clouds, green leaves, the black, curious eyes of a child-our own two eyes. All is a miracle.
- thích nhất hạnh.
Bharat Sonwane.
टिप्पण्या
टिप्पणी पोस्ट करा